កំហុស ៥ យ៉ាងរុញច្រានមិត្តប្រុស ឲ្យចាកចេញពីជីវិតយើង
មនុស្សប្រុសចាកចេញពីជីវិតយើង ពេលខ្លះមិនមែនមកពីគេមានថ្មីឡើយ តែយើងគួររកមើលចំណុចខ្វះខាតខ្លួនឯងចាំបន្ទោសអ្នកដទៃ។ ខាងក្រោមជាកំហុស ៥ យ៉ាងដែលរុញច្រានបុរសឲ្យចាកចេញពីជីវិតយើង៖
loading...
១.យើងព្យាយាមចាត់ចែងជីវិតគេ
នេះជាទង្វើដែលមនុស្សប្រុសមិនអាចទទួលបានឡើយ ព្រោះការស្រលាញ់គ្នាមិនគួរណាមានភាគីណាជាអ្នកចាត់ចែងជីវិតឲ្យគ្នាឡើយ គួរតែបណ្ដោយឲ្យរស់នៅតាមបែបអ្វីដែលគេធ្លាប់មាន។ បើយើងចាត់ចែងសូម្បីតែការចាយវាយ,ការស្លៀកពាក់,ការញ៉ាំ ឬសូម្បីតែការងារគេ នោះបុរសមិនចូលចិត្តឡើយ។
២.មិនយល់ពីគេ
មនុស្សប្រុសគ្មានចង់បានអ្វីក្រៅពី ការយល់ចិត្តគេឲ្យច្បាស់នោះទេ។ តែបើយើងមិនយល់ពីការងារគេ,មិត្តភ័ក្ដិ និងគ្រួសារនោះទេ ទោះស្រលាញ់ប៉ុណ្ណាក៏គេបង្ខំចិត្តដើរចេញដែរ។
៣.ចាត់ទុកគេជាបុរសទន់ខ្សោយ
គ្មានបុរសណាអាចទ្រាំបាននូវការមើលងាយទឹកចិត្តបែបនេះបានទេ។ មនុស្សប្រុសទោះរឹងមាំបែបណា ក៏គង់មានថ្ងៃអាចទន់ជ្រាយបានដែរ ដូចនេះបើយើងតែងថាឲ្យគាត់ជាបុរសទន់ខ្សោយ គាត់ប្រហែលជាមិនទ្រាំជាមួយយើងទៀតទេ។
loading...
៤.ដាក់គំនាប
គំនាប ជារឿងដែលមនុស្សប្រុសស្អប់បំផុត មនុស្សស្រីជាច្រើនចូលចិត្តប្រើវិធីនេះ ដើម្បីបំពេញបំណងខ្លួនឯងទាំងដែរមិត្តប្រុសមិនពេញចិត្ត។
៥.ឲ្យគេជ្រើសរើស
មនុស្សស្រីចូលចិត្តនិយាយបំផុត គឺឲ្យសង្សារជ្រើសរើសខ្លួន និងមិត្តភ័ក្ដិ ឬគ្រួសារគេ។ តែយើងត្រូវដឹងថា ទោះជាគេជ្រើសយើង ក៏គេមិនបានពេញចិត្តនឹងជ្រើសដែរ ហើយថ្ងៃណាមួយគាត់នឹងចាកចេញពីយើងទាំងឈឺចាប់៕
ប្រភព៖ Likelovequotes
