៤ ធាតុលាយចូលគ្នាធ្វើឲ្យមុខស សស្អាតបែបធម្មជាតិ
មានមនុស្សជាច្រើនបានស្វះស្វែងរកទិញឡេលាបមុខ ក្រេមលាបមុខ ម្សៅលាបមុខ ប្រេងលាបមុខ ជួនកាលរហូតហ៊ានទិញដល់ម៉ាស់បិទមុខតម្លៃរាប់សិបដុល្លារក៏មាន នោះក៏មកពីចង់បានឲ្យមុខសស្អាត។ ប៉ុន្តែដើម្បីបានស្បែកមុខសស្អាតតាមវិធីនោះ យើងត្រូវចំណាយប្រាក់ច្រើន និងត្រូវចំណាយវាជាប្រចាំ ដើម្បីរក្សាស្បែកមុខនោះឲ្យនៅតែ សស្អាត តែសម្រាប់អ្នកខ្លះវាបែរជាបង្កបញ្ហាឲ្យដល់ស្បែកមុខទៅវិញ ព្រោះតែផលិតផលដែលទិញយកមកប្រើនោះ មិន ត្រូវជាមួយស្បែកមុខរបស់ខ្លួន។
ពិតមែនថា មុខគឺជាអ្វីដែលគេត្រូវមើលមុនគេ ដូច្នេះសាច់ស្បែកមុខខ្មៅមានស្នាម មានភាពគគ្រាត គឺពិតជារឿងអាម៉ាស់មួយទាំងបុរស និងស្ត្រី។ មិនថាក្មេង មិនថាចាស់ទេ គ្រប់គ្នាសឹងចង់បានស្បែកមុខស្អាត ទោះបីមានមុខមិនស្អាតក៏ដោយចុះក៏នៅចង់ស្អាតដែរ។
loading...
ពិតមែនថា មុខគឺជាអ្វីដែលគេត្រូវមើលមុនគេ ដូច្នេះសាច់ស្បែកមុខខ្មៅមានស្នាម មានភាពគគ្រាត គឺពិតជារឿងអាម៉ាស់មួយទាំងបុរស និងស្ត្រី។ មិនថាក្មេង មិនថាចាស់ទេ គ្រប់គ្នាសឹងចង់បានស្បែកមុខស្អាត ទោះបីមានមុខមិនស្អាតក៏ដោយចុះក៏នៅចង់ស្អាតដែរ។
ការប្រើឡេ ឬក្រេម ឬម្សៅមកលាបលើស្បែកមុខនោះ ជារឿងមួយ តែនៅពេលយើងខានលាបវា ស្បែកនោះក៏ប្រែមកជាខ្មៅវិញដដែល ដូច្នេះអ្នកប្រើត្រូវប្រើម្សៅ ឬឡេនោះជាប់ជាប្រចាំមិនអាចខានបានឡើយ ដូច្នេះប្រាក់សម្រាប់ទិញក្រេម ឬម្សៅមកប្រើក៏ត្រូវចំណាយជាប់ជានិច្ចតាមនោះដែរ។
តាមការសិក្សារបស់អ្នកស្រាវជ្រាវជាច្រើន បានរកឃើញថា ក្រូចឆ្មាលឿង (Lemon) មានសារធាតុម្យ៉ាងនៅក្នុងនោះ អាចជួយជំរះពណ៌របស់ស្បែក (សារធាតុអាស៊ីដមានក្នុងទឹកក្រូចឆ្មា) ជម្រុះចោលកោសិកាងាប់ បំបាត់ចោលស្នាមអុជខ្មៅៗលើស្បែកមុខ ជួយកាត់បន្ថយ មុន លើផ្ទៃមុខ ធ្វើឲ្យសាច់មុខស្រស់ស្អាតតាមបែបធម្មជាតិបាន។
ដោយសារតែអាស៊ីដនៅក្នុងទឹកក្រូចឆ្មាមានច្រើន ដូច្នេះការប្រើទឹកក្រូចឆ្មាផ្ទាល់លើស្បែកមុខជាប្រការមួយមិនគួរធ្វើឡើយ ព្រោះវាអាចធ្វើឲ្យស្បែកមុខស្ងួត ឬរលាកបាន។ វិធីដែលល្អបំផុតសម្រាប់ធ្វើឲ្យស្បែកខ្លួន ឬស្បែកមុខស្អាត គួរគប្បីប្រើទឹកដោះគោ ទឹកឃ្មុំ និងទឹកក្រូចឆ្មារួមគ្នា ទើបមានប្រសិទ្ធភាពល្អ បើបានបន្ថែមខ្ទិះដូងចូលនោះកាន់តែប្រសើរ។
របៀបផ្សំ :
- ទឹកដោះគោចំនួន ២ស្លាបព្រាបាយ
- ទឹកក្រូចឆ្មា ចំនួន ២ស្លាបព្រាបាយ
- ខ្ទិះដូងថ្មី ចំនួន ២ស្លាបព្រាបាយ
ដាក់គ្រឿងផ្សំទាំងប៉ុន្មានមុខនេះចូលគ្នាក្នុងកូនកែវមួយស្អាត យកកូនស្លាបព្រាមួយកូរវាចូលគ្នាឲ្យសព្វល្អ រួចដាក់វាទុកក្នុងទូទឹកកកចំនួន១០នាទី ទើបយកល្បាយនេះមកលាបលើស្បេកដៃ បើមិនមានប្រតិកម្មអ្វីទេនោះ យើងអាចយកវាមកលាបលើស្បែកមុខបាន សូមលាបឲ្យសព្វទាំងក មុខ ក្រោយ និងលើផ្ទៃមុខទាំងមូល ប្រើដុំសំឡីសម្រាប់ផ្តិតជូតទើបប្រសើរជាងការប្រើម្រាមដៃ។
យើងអាចលាយល្បាយនេះសម្រាប់ប្រើ តែមួយថ្ងៃបានហើយ គឺសម្រាប់លើមុខផង និងលើខ្លួនប្រាណយើងផង។
បន្ទាប់ពីលាបរួច ត្រូវទុកចោលឲ្យស្ងួតចំនួន ១០ ទៅ ១៥នាទី ទើបលាងជម្រះវាចេញជាមួយទឹកក្តៅអ៊ុនៗ។
ធ្វើបែបនេះឲ្យបានចំនួន ១ខែ នោះស្បែកមុខ និងស្បែកខ្លួនរបស់យើងនឹងមានពណ៌សស្អាតមិនខាន។
យើងអាចប្រើតែទឹកក្រូចឆ្មាជាមួយទឹកឃ្មុំក៏បាន តែគួរមានលាយជាមួយទឹកដោះគោទើបល្អ ឬលាយជាមួយទឹកដោះគោជូរ (Yogurt) នោះកាន់តែល្អ។ ចំណែកខ្ទិះដូង វាជួយស្បែកឲ្យទន់ស្រស់ថ្លា បើអាចផ្សំវាជាមួយបានរាល់ថ្ងៃ គឺជាការមួយប្រសើរណាស់។
យើងអាចឃើញភាពខុសប្លែកនៃស្បែកត្រឹមតែបីបួនថ្ងៃបន្ទាប់ពីការប្រើ ជាពិសេសវាល្អបំផុតសម្រាប់អ្នកមានមុនលើផ្ទៃមុខ និងនៅលើខ្នង។ ប្រយោជន៍របស់វត្ថុផ្សំ :
- ក្រូចឆ្មា (ក្រូចឆ្មាលឿង) (Lemon) : ក្រូចឆ្មាត្រូវបានគេប្រើសម្រាប់ខាត់ស្បែកឲ្យសយូរឆ្នាំមកហើយ ព្រោះវាមានជាតិអាស៊ីដម្យ៉ាងសម្រាប់ជួយសំអាតស្បែកឲ្យជ្រះពីកោសិកាងាប់ និងស្នាមផ្សេងៗលើស្បែកបានយ៉ាងល្អ។ សូមដាក់ទឹកក្រូចឆ្មាក្នុងអ្វីមួយ រួចយកសំឡីមកជ្រលក់ជូតត្រង់កបន្តិចមើលសិន បើគ្មានស្តាមកន្តួល ឬឡើងក្រហមទេនោះ បានសេចក្តីថា ស្បែករបស់យើងមិនមានប្រតិកម្មជាមួយទឹកក្រូចឆ្មាឡើយ ដូច្នេះយើងអាចប្រើវាបាន។
loading...
សូមប្រើទឹកក្រូចឆ្មាជាមួយទឹកស្អាតក្នុងចំនួនស្មើគ្នា បើចង់ប្រើតែទឹកក្រូចឆ្មាមួយមុខ តែបើប្រើលាយជាមួយវត្ថុដទៃមិនចាំបាច់លាយទឹកចូលជាមួយឡើយ។ ចិតក្រូចឆ្មាជាបន្ទះស្តើងៗ យកមកជូតក្លៀក អាចជួយបំបាត់ក្លិនក្លៀកបានភ្លាមៗ ព្រមទាំងជួយធ្វើឲ្យក្លៀកឡើងសបានដែរ សូមធ្វើវាឲ្យបានមួយថ្ងៃ ២ដង ពេលព្រឹក និងពេលល្ងាច ទុកវាចោលចំនួន ១០នាទីសិន សឹមលាងវាចេញជាមួយទឹកស្អាត។
- ទឹកឃ្មុំ : គឺជាវត្ថុដែលគេប្រើច្រើនសម្រាប់សម្លាប់មេរោគលើដំបៅ ឬមុខរបួសថ្មីៗ តែទឹកឃ្មុំក៏ជាគ្រឿងសម្រាប់ជួយធ្វើឲ្យស្បែកមានសម្បុរភ្លឺថ្លា តែត្រូវប្រើលាយជាមួយទឹកក្រូចឆ្មា។ ល្បាយទឹកឃ្មុំលាយជាមួយទឹកក្រូចឆ្មាអាចជួយកាត់បន្ថយមុនលើស្បែកមុខ និងនៅលើខ្នងបាន មិនតែប៉ុណ្ណោះស្នាមលើផ្ទៃមុខបន្សល់ទុកដោយដំបៅ មុន អាចថមថយចុះ ធ្វើឲ្យស្បែកមុខលែងសូវមានស្នាម និងមានពន្លឺ។
- ទឹកដោះគោ និងទឹកដោះពពែ : មានប្រសិទ្ធិភាពបំផុតសម្រាប់ជួយធ្វើឲ្យស្បែកសរលោង។ យើងអាចទិញទឹកដោះគោស្រស់ពីផ្សារមកលាយជាមួយទឹកក្រូចឆ្មា (ក្រូចឆ្មាជាមួយទឹកដោះគោ) យកល្បាយនេះមកលាបលើស្បែក បន្ទាប់ពីជូត ឬងូតទឹកក្តៅដុះសាប៊ូរួចហើយ យកដៃច្បូតឈ្លីលើស្បែកថ្នមៗឲ្យបានយូរជាមួយល្បាយនេះ ទុកវាចោលចំនួន ១០នាទី ទើបលាងជម្រះវាចេញ។ ធ្វើបែបនេះឲ្យបានរាល់ថ្ងៃ មុនពេលចូលដំណេក។
ក្រៅពីការលាយជាមួយគ្រឿងផ្សំដទៃ យើងក៏អាចប្រើតែទឹកដោះគោសុទ្ធក៏បាន។ លទ្ធផលពីការប្រើទឹកដោះខាត់ស្បែក គឺធ្វើឲ្យស្បែកសស្អាតមានសំណើមល្អ។
- ខ្ទិះដូង : យើងធ្លាប់តែយកខ្ទិះដូងមកស្ល ធ្វើជាបង្អែម តែខ្ទិះដូងនៅមានប្រយោជន៍មួយទៀត គឺធ្វើឲ្យស្បែកសស្អាត។ យកតែក្បាលខ្ទិះ មិនត្រូវលាយជាមួយទឹកដាច់ខាត តែអាចលាយជាមួយទឹកដូងសម្រាប់ច្របាច់យកខ្ទិះបាន។ សូមខាត់ស្បែកជាមួយខ្ទិះដូង បើសិនចង់បានស្បែកស្អាតផូរផង់។ ការប្រើប្រាស់វត្ថុផ្សំពីធម្មជាតិមិនប៉ះពាល់សុខភាពដូចរបស់ទិញមកពីផ្សារមួយចំនួនឡើយ៕
