សាកល្បង ៤ ជំហ៊ាននេះរួច អ្នកនឹងអន់ចង់ទៅហាងកែសម្ផស្សទៀតហើយ !
ហេតុអ្វីត្រូវទៅហាងកែសម្ផស្ស ដើម្បីបានផ្ទៃមុខម៉ត់រលោងភ្លាមៗ និងម៉ាស្សាការពារស្បែកជ្រីវជ្រួញលើផ្ទៃមុខធ្វើអ្វី ។ តើអ្នកដឹងទេថា ហាងកែសម្ផស្សនីមួយៗសុទ្ធតែប្រើសារធាតុគីមីជាច្រើនមកលើស្បែកមុខរបស់អ្នក ។
ហេតុនេះហើយ ឥឡូវយើងនឹងប្រាប់ដល់អ្នកពីវិធីមួយ ដែលនឹងជួយដោះស្រាយបញ្ហារបស់អ្នកបាន ដោយគ្រាន់តែអនុវត្តតាម ៤ ជំហ៊ានងាយៗខាងក្រោម ៖
ជំហ៊ាន ១ សម្អាត
ប្រើសំឡី ឬស្បៃជ្រលក់ក្នុងទឹកផ្កាកុលាប រួចមកជូតសម្អាតលើផ្ទៃមុខ ។ បន្ទាប់មក ប្រើទឹកដោះគោឆៅ ២ ស្លាបព្រាបាយលាបពេញទាំងផ្ទៃមុខ ហើយរង់ចាំរហូតដល់វាស្ងួត សឹមលាងសម្អាតនឹងទឹកត្រជាក់ ។
ជំហ៊ាន ២ ខាត់ស្បែក
យកស្ករស ២ ស្លាបព្រាបាយ + ប្រេងអូលីវ ឬប្រេងដូង ១ ស្លាបព្រាបាយ + ទឹកក្រូចឆ្មាធំ ១ ផ្លែ ច្របល់ចូលគ្នា រួចលាប និងម៉ាស្សាលើផ្ទៃមុខជាចលនារង្វង់ ។
ជំហ៊ាន ៣ ស្ទីម
ជ្រលក់កន្សែងពោះគោក្នុងទឹកក្តៅឧណ្ហៗ ពូតយកទឹកចេញ ហើយបិតលើផ្ទៃមុខអ្នករយៈពេលពី ៤-៥ នាទី ។
ជំហ៊ាន ៤ ម៉ាស្សា និងបិតម៉ាស់មុខ
អ្នកគ្រាន់តែយកទឹកឃ្មុំលាយជាមួយទឹកក្រូចឆ្មាក្នុងបរិមាណស្មើគ្នា និងលាបពេញលើស្បែកមុខអ្នក ហើយរង់ចាំរយៈពេល ២០ នាទី លាងសម្អាតចេញ ៕ប្រភព៖mungkulkar
